Vikinghøvdingar, mellomalderkongar og danskekongens embetsmenn. Alle hadde éin ting til felles då dei reiste mellom aust og vest; dei måtte gå til fots over Filefjell. Er vi like gode som forfedrane våre? Gå Kongevegen heile vegen, frå Austlandet til Vestlandet!
Ok, biskop Pontoppidan vart dregen på kjelke over fjellet av lokale bønder og husmenn i 1749, ikkje berre éin, men to gonger. Ellers er det føttene menn og kvinner har nytta på reisa mellom aust og vest i landet vårt. Sjølv med hest vart det ofte ein strabasiøs tur.
I vår tid er dette eit lite eventyr. Denne minnerike femdagarsturen går i fantastisk natur gjennom svært rik kulturhistorie. Du startar i Vang, overnattar i hotell og hytter, når 1250 m.o.h. og ender på gamle Lærdalsøyri ved Sognefjorden.I mellomtida fraktar vi som bur her bagasjen din. Litt sånn som vi gjorde med Pontoppidan 😃
5 overnattingar med frukost i hytte, hotell, pensjonat eller leilighet
4 lunsjpakkar som du smører sjølv
Evt. transport til vandrestart ved Neset første vandredag
4 dagar bagasjetransportar
Sengeklede og utvask
Pris fra kr. 5 090,-
Pr. person
Avreise
Reisendeinformasjon
Navn og adresse
Betaling
Kvittering
Vikinghøvdingar, mellomalderkongar og danskekongens embetsmenn. Alle hadde éin ting til felles då dei reiste mellom aust og vest; dei måtte gå til fots over Filefjell. Er vi like gode som forfedrane våre? Gå Kongevegen heile vegen, frå Austlandet til Vestlandet!
Ok, biskop Pontoppidan vart dregen på kjelke over fjellet av lokale bønder og husmenn i 1749, ikkje berre éin, men to gonger. Ellers er det føttene menn og kvinner har nytta på reisa mellom aust og vest i landet vårt. Sjølv med hest vart det ofte ein strabasiøs tur.
I vår tid er dette eit lite eventyr. Denne minnerike femdagarsturen går i fantastisk natur gjennom svært rik kulturhistorie. Du startar i Vang, overnattar i hotell og hytter, når 1250 m.o.h. og ender på gamle Lærdalsøyri ved Sognefjorden.I mellomtida fraktar vi som bur her bagasjen din. Litt sånn som vi gjorde med Pontoppidan 😃
Vikinghøvdingar, mellomalderkongar og danskekongens embetsmenn. Alle hadde éin ting til felles då dei reiste mellom aust og vest; dei måtte gå til fots over Filefjell. Er vi like gode som forfedrane våre? Gå Kongevegen heile vegen, frå Austlandet til Vestlandet!
Ok, biskop Pontoppidan vart dregen på kjelke over fjellet av lokale bønder og husmenn i 1749, ikkje berre éin, men to gonger. Ellers er det føttene menn og kvinner har nytta på reisa mellom aust og vest i landet vårt. Sjølv med hest vart det ofte ein strabasiøs tur.
I vår tid er dette eit lite eventyr. Denne minnerike femdagarsturen går i fantastisk natur gjennom svært rik kulturhistorie. Du startar i Vang, overnattar i hotell og hytter, når 1250 m.o.h. og ender på gamle Lærdalsøyri ved Sognefjorden.I mellomtida fraktar vi som bur her bagasjen din. Litt sånn som vi gjorde med Pontoppidan 😃
Slik går turen:
Dag 1:
Ankomst Vang i Valdres
Ankomst Vang i Valdres
Du har køyrt til Rogn camping i Vang i Valdres med bil eller buss og sjekkar inn for ein hyggeleg kveld og ei god natts søvn. Det går også direktebuss frå Bergen (NW 162 Øst-Vest Xpressen) og frå Oslo (NW 160 Valdresekspressen) til stoppestad nær Rogn camping som passar med innsjekk i denne turpakka. Bussrutene følger E16.
Du kan kjøpe middag i Vang ved til dømes Sommerhotellet i Vang (må bestillast på førehand, ikkje inkludert i turpakka).
Overnatting Rogn Camping
Overnatting Rogn Camping
Rogn camping ligg langs E16 ved Begna elv, også kalla Storåne. Campingen ligg ved starten av Kongevegen over Filefjell.
Rogn camping vart etablert tidleg i 1970-åra av Endre og Guri Rogn. Plassen har åtte campinghytter i lafta stil, med plass til 4-6 personar. Det er også eit sanitæranlegg med dusj, vaskemaskin og diverse utstyr.
Dag 2:
Vandredag 1: Kvamskleiva og Øye - Tyinkrysset
Vandredag 1: Kvamskleiva og Øye - Tyinkrysset
Etter frukost i Rogn sitt vakre, 200 år gamle stabbur og smøring av nistepakke, startar eventyret. Vertane køyrer dykk til starten av sagnomsuste Kvamskleive. Kvamskleive vart teken i bruk i 1808 og avløyste Kongevegen som til då hadde gått på andre sida av Vangsmjøse. Deler av vegen vart frykteleg bratt, og reisande kalla det dei såg under vegen for «avgrunn» og «livsfarleg». I enden av Kvamskleive, ved Søndrol, er du komen ned att til E16 og skal ta rutebuss vidare mot Øye (buss inngår ikkje i turpakka). Buss går frå Søndrol klokka 09.03 (rute 138 til Tyinkrysset, hund tillatt). Denne ruta går diverre ikkje laurdagar og søndagar, men skulle du ønske å gå så tidleg, ordnar me lokal transport. Neste rute er klokka 12.56 (NW 162, kun førarhund tillatt) og neste er klokka 14.35 (NW 160, kun førarhund tillatt). Bussturen til Øye tek cirka 25 minuttar. Til sommaren er det opna ny E16-tunnel forbi Øye og ingen av desse bussane går innom bygda. Du følger difor bussen gjennom tunnelen, og går av på første stoggestad etter tunnelen. Her kan du gå gamle E16 tilbake cirka 6-700 meter ned mot Øye og rundt svingen til Krokasvingadn i Eidskroke(n). Til høgre her tek du inn på autentisk kongeveg og delstrekninga Øye stavkyrkje-Tyinkrysset. Følg skilta.
Har du lyst til å ta ein titt på Øye stavkyrkje før du startar, går du knappe 1,5 kilometer vidare langs gamle E16 ned mot Øye - og tilbake.
Frå Krokasvingadn går Kongevegen i kupert terreng og med nokre unntak på grasdekke opp mot Tyinkrysset. Ved Tyinkrysset går Kongevegen gjennom hyttefelta, og ved «Grøvstølbrue» skal du gå til venstre og opp mot Filefjellstuene. Her skal du overnatte. Bagasjen din er blitt frakta hit. Du får kjøpt middag i restaurant på Filefjellstuene (ikkje inkludert i pakkeprisen). Fakta første vandredag: Totalt cirka 19,5 kilometer der 1,5 kilometer går på asfalt.
Overnatting Filefjellstuene
Overnatting Filefjellstuene
Filefjellstuene ligg plassert i vakre omgjevnadar sentralt på Tyin-Filefjell. Vi har hytter for utleige heile året igjennom. Restauranten vår har plass til cirka 100 gjester, og har ein flott utsikt over dalen. På vår a'la carte-meny kan du velge mellom fleire lokale delikatesser.
Etter frukost på Filefjellstuene tek du fatt på sjølve fjellstrekninga over Filefjell. Du skal først gå Tyinkrysset-Kyrkjestølen og deretter Kyrkjestølen-Maristova. Sistnemde er den sagnomsuste fjellstrekninga som er bygd etter det franske prinsipp med mest mogleg rett lineføring av vegen - og med utsikt mellom anna til Hurrungane. Før du byrjar å gå nedover att mot Vestlandet og Maristova passerar du det høgste punktet Kongevegen når over fjellet, 1250 m.o.h. - i området ved den gamle stiftstøtta i marmor. Vegmeistar C. J. Hammer budde i Margretestova på Maristova då han leia bygginga av Kongevegen i byrjinga av 1790-åra. Fakta andre vandredag: Om lag 18 kilometer i fjellet. Grasdekke. Mindre strekningar med asfalt før Kyrkjestølen i starten av dagen.
Overnatting Maristuen Fjellferie
Overnatting Maristuen Fjellferie
Du overnattar på Maristova i hyttene til Maristuen Fjellferie. Maristova har historie om å ta imot gjester og reisande i alle fall sidan mellomalderen. Alt tidleg på 1300-talet høyrer me om ei Sælustova - eit slags gjestgjeveri - for dei reisande mellom aust og vest her på Maristova, vestsida av Filefjell.
Bagasjen din er blitt frakta hit. Du får ikkje kjøpt middag på Maristova, men verten tilbyr enkle middagsretter du kan kjøpe og lage sjølv i hytta (døme: Fjordland). Er de mange personer og vil ha noko spesielt, kan de sende handleliste til Maristuen Fjellferie.
Dag 4:
Vandredag 3: Maristova - Borgund
Vandredag 3: Maristova - Borgund
Etter frukost i hytta startar vandringa på delstrekninga Maristova-Borlaug, som er den «nyaste» strekninga på Kongevegen over Filefjell, med Brattebakken bru som ein attraksjon. Turen går på autentisk kongeveg, natursti, litt asfalt, forbi elv og over bekkar, over fjellvidde og gjennom lun granskog.
Vel nede ved Borlaug passerar du Borlo Bygdetun med over 20 bygningar med utstillingar som viser mangfaldet i fjellbygda Borgund. Her er kinosal i møkakjellaren, amfi og utescene. Kongevegen går rett gjennom det gamle kulturlandskapet.
Frå bygdetunet går kongvegen vidare nokre hundre meter før du peilar deg inn på vegkanten av E16 ned til krysset der fylkesvegen tek av mot Borgund. Herifrå går turvegen Kongevegen på fylkesvegen, som er gamle E16 gjennom Borgund.
Du er då inne på delstrekninga Borlaug-Borgund stavkyrkje og går på asfalt. Du går forbi små vestlandsgardar med beiteland for sau og geit. Fleire campingplassar ligg her, mellom anna Steinklepp camping. Du passerar Hegg, som var skysstasjon og hotell på Kongevegen i gamle dagar. Like etter ser du gravhaugen etter bygdehøvdigen Spenning Hegg med sin 2,6 meter høge bautastein.
Fakta tredje vandredag: Cirka 14 kilometer vandring der cirka 8 km. går på asfalt.
Overnatting Eggum gard
Overnatting Eggum gard
Eggum gard er ein gamal tradisjonsrik gard med bygningar frå 1674 og hytter frå 1929. Her finn du den eldste dokumenterte hytteturismen i Norge. Eggum bygde hytter mynta på turisme alt i mellomkrigstida.
Eggum legg vinn på å halde på særpreget ved garden og ynskjer å tilby eit roleg, behageleg og barnevennleg miljø. Her finn du også eit gardsmuseum med mykje interessant.
5 utleigehytter er i dag renoverte til høgstandard og er fullt utstyrte.
Eggum gard ligg ca 400 meter frå nærbutikk, fotballbane og sandvolleyballbane. I sentrum er også ei ridebane, der du kan bestille ridetimar.
Vertskapet tilbyr enkle middagar du lagar sjølv på hytta (type Fjordland). Evt. handlar du i nærbutikken like ved.
Etter frukost går du ned til fylkesvegen gjennom Borgund sentrum og 500 meter vestover til du møter krysset som fører inn på E16. Du skal ikkje dit, men heller gå rett fram og inn på det som ein gong var riksveg 60. Hald fram til du går gjennom tunet til Borgund hyttesenter og camping ein god kilometer seinare. Her er det gatekjøken med mat og alle rettigheter.
Hald fram gjennom nok eit gardstun og vidare til krysset ved E16-tunnelen. Du går inn på vegen som går over tunneltaket og inn på gamle E16 ned til Borgund stavkyrkje. For å få tilgang til stavkyrkja, nye-kyrkja, utstillingane, kafé og toalett må du løyse billett i besøkssenteret.
Deretter ventar Vindhellavegen. Enten går du bak den raude kyrkja og opp til Vindhellavegen. Eller du kan nyte heile strekninga med å gå 300 meter tilbake dit du kom frå på gamle E16, og byrje Vindhellavegen der den eigentleg startar (anbefalt). Nyt gamal vegbyggarkunst!
Vel nede frå Vindhellavegen, ved Rimskjold, held du fram på gamle E16 cirka 500 meter på asfalt til du byrjar på Øygardsvegen. Delar av vegen bøyger seg av gårde på murar over nes og bergknabbar, og forbi gamle bruer og gardar, skysstasjonar og gravfelt frå jarnalderen.
Ferda går vidare mot ein annan av dei sagnomsuste strekningane på Kongevegen; Galdane, som alltid har blitt rekna for å vera mellom dei vanskelegaste og farlegaste. Vegen gjennom Galdane er full av myter og opplevingar og har gitt inspirasjon til fleire kjende kunstverk. Ta gjerne ein matpause på husmannsplassen Galdane som strekninga har fått namn etter. Etterpå går du vidare langs Lærdalselvi til Seltun der Kongevegen møter E16 att.
Her er vandringa over. Du går nokre få meter austover til busslomma ved E16 og tek rute 138 Lærdal-Fagernes til Lærdalsøyri (buss ikkje med i pakkeprisen. Bussen godtek hund). Den passerar Seltun cirka klokka 18.30 kvar dag utanom laurdag.
Etter frukost og utsjekking vandrar du på eiga hand på gamle Lærdalsøyri, eit av Norges mest verdifulle trehusmiljø som mirakuløst slapp unna storbrannen i 2014.
Kongevegen over Filefjell gjekk gjennom hovudgata Øyragata, ei av dei eldste handlegatene på Vestlandet. Til dømes vart Lærdalsmarknaden arrangert i dette miljøet alt på 1500-talet. Den blir framleis arrangert den tredje helga i juni kvart år.
Kongevegen endar ved den gamle jektehamna. Små butikkar og kaféar. Besøk gjerne landhandelen «Smak av Sogn» i ei av krambuene.
