Ankomst Filefjellstuene

Du har køyrt til Filefjellstuene på Filefjell med bil og kan sjekke inn for ein hyggeleg kveld og ei god natts søvn. Det går også direktebuss frå Bergen og frå Oslo til Tyinkrysset som passar med innsjekk i denne turpakka.

Overnatting Filefjellstuene

Filefjellstuene ligg plassert i vakre omgjevnadar sentralt på Tyin-Filefjell. Vi har hytter for utleige heile året igjennom. Restauranten vår har plass til cirka 100 gjester, og har ein flott utsikt over dalen. På vår a'la carte-meny kan du velge mellom fleire lokale delikatesser.

Dag 1 Øye - Tyinkrysset

Etter frukost sørger hotellet for transport til Øye, der «Kongevegen Fjellpasset» startar. Herfrå vil du gå delstrekninga Øye - Tyinkrysset på cirka 12 kilometer opp austsida av Filefjell.

Turen følger den autentiske kongeveglina oppover til Støndafjorden, vidare opp vestsida av Begna til Varpebrue og forbi gjestgjevargarden og skysstasjonen Skogstad, nemd alt i 1663. Kongevegen går gjennom tett granskog før du møter fjellbjørk og hei. Typisk for kongevegen bølger den opp og ned. 

Overnatting Filefjellstuene

Filefjellstuene ligg plassert i vakre omgjevnadar sentralt på Tyin-Filefjell. Vi har hytter for utleige heile året igjennom. Restauranten vår har plass til cirka 100 gjester, og har ein flott utsikt over dalen. På vår a'la carte-meny kan du velge mellom fleire lokale delikatesser.

Dag 2: Tyinkrysset - Kyrkjestølen - Maristova

Etter frukost startar du ved Filefjellstuene og går vestover opp mot Kyrkjestølen på delstrekninga Tyinkrysset-Kyrkjestølen På Kyrkjestølen er det fint å ta pause og sjå seg om på stølstunet. Deretter startar du på den berømte delstrekninga over toppen av Filefjell, Kyrkjestølen-Maristova, som tek deg til Kongevegens høgste punkt, cirka 1250 m.o.h. Vegen over Murklopphøgda har storslått utsyn til tindene i Hurrungane. Du passerer Stiftstøtta, ein marmorbauta som markerte det gamle skiljet mellom Akershus og Bergen stift. Her er fin rasteplass.
Oppe på fjellet er terrenget lettgått før vegen går bratt ned att mot Maristova (cirka 800 m.o.h.) som har ei historie med overnatting og samferdsle sidan første halvdel av 1300-talet. Du overnattar i hytte hjå Maristuen Fjellferie. Bagasjen din er blitt frakta hit (1 kolli per pers.). Turen frå Filefjellstuene via Kyrkjestølen til Maristova tek 5-8 timar. 

Overnatting Maristuen Fjellferie

Du overnattar på Maristova i hyttene til Maristuen Fjellferie.
Maristova har historie om å ta imot gjester og reisande i alle fall sidan mellomalderen. Alt tidleg på 1300-talet høyrer me om ei Sælustova - eit slags gjestgjeveri - for dei reisande mellom aust og vest her på Maristova, vestsida av Filefjell.

Bagasjen din er blitt frakta hit. Du får ikkje kjøpt middag på Maristova, men verten tilbyr enkle middagsretter du kan kjøpe og lage sjølv i hytta (døme: Fjordland). Er de mange personer og vil ha noko spesielt, kan de sende handleliste til Maristuen Fjellferie. 

Dag 3: Maristova - Borlaug

Etter frukost startar du ved Maristova og går ned vestenden av Filefjell, delstrekninga Maristova - Borlaug. Turen går på autentisk kongeveg, natursti, litt asfalt, forbi elv og over bekkar, over fjellvidde og gjennom lun granskog. På vegen passerer du ulikt kulturlandskap, gardar og ruiner etter gamle buplassar. Turen er 7 kilometer lang og har ein høgdeskilnad på 300 meter. Like etter start Maristova kan du ta ein kort omveg om Honingane, eit gamalt stølsområde med bygningar tilbake til mellomalderen. Eit smykke på denne strekninga er Brattebakken bru, ei hengebru bygd etter inspirasjon av kongevegbruene du møter andre stadar på kongevegen.

Etterkvart endar du i grenda Borlaug. Turen tek cirka 2 timar pluss eventuell matpause. Frå Borlaug tek du rutebuss tilbake til Filefjellstuene, evt. Tyinkrysset (sjå rutetider og ruter under), der bagasjen din er køyrt tilbake (1 kolli per pers.). Her sluttar turpakka «Kongevegen Fjellpasset».